admin

Мемлекеттік рәміздер — ел мәртебесі!

Түркістан Ахмет Ясауи кәсіби колледжінің қазақ тілі мен қазақ әдебиеті пәні оқытушыларының ұйымдастыруымен «Рәміздер — киелі құндылық» тақырыбында диктант алынды. Диктантқа барша колледжіміздің студенттері қатысты. Мақсаты: Елтаңба, Ту, Әнұран туралы түсініктерін нығайту. Рәміздердің пайда болуы және тарихтағы маңызы жайлы түсініктерді дамыту, студенттерді Отансүйгіштікке, адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, халқының тегін, тарихын білуге тәрбиелеу.

Мемлекеттік рәміздер – бұл кез келген мемлекеттің егеменді тәуелсіздігі мен біртұтастығын бейнелейтін, оның ажырамас атрибуттарының бірі. Қазақстан Республикасында Мемлекеттік ту, Мемлекеттік елтаңба және Мемлекеттік гимн мемлекеттік рәміздер болып табылады. Сондықтан да әрбір патриотты Қазақстан азаматы ретінде мемлекеттік рәміздер күнін ұлықтауымыз біздің борышымыз.

4 маусым — Қазақстан Республикасының Мемлекеттік рәміздер күні

Мемлекеттік рәміздер – Ту, Елтаңба және Әнұран Қазақстан Республикасының дербестігі мен тәуелсіздігін бүкіл әлемге танытушы әрі мемлекетіміздің өткені мен бүгіні және болашағы арасындағы сабақтастықтың жарқын көрінісі. Сондай-ақ рәміздер – халқымыздың мұқалмас рухын, қаһармандығы мен даналығын, асқақ арман-тілегін жеткізетін құнды белгілер.

Құрметті отандастар, тәуелсіз мемлекетіміздің көк байрағы биіктен желбіреп, мәртебесі одан әрі арта берсін! Еліміз тыныш, халқымыз аман болсын! Мемлекеттік рәміздер күнімен барша қазақстандықтарды шын жүректен құттықтаймыз!

Кәсіпорын мамандарымен кездесу

2023 жыл 26 мамыр күні «Түркістан Ахмет Ясауи» кәсіби колледж акт залында оқу ордамыздың әлеуметтік әріптесі болып табылатын Түркістан облысы, Ордабасы ауданы, Бадам ауылы «Бөрте Милка» ЖШС-нің завод директоры — Жүнісов Ержан, ферма директоры — Сайманов Сабит, бас маман мал дәрігері — Жүнісалиев Ғанимен кездесу ұйымдастырылды. Кәсіпорын мамандары «Ветеринария» мамандығы бойынша білім алушы студенттерге кәсіпорынның қызметін таныстырды.

Компания кешені озық технологиялы жабдықтармен қамтамасыз етілген. Өңірдегі таңдаулы роботтандырылған сүт-тауарлы ферма болып саналады. Ферма шведтің DeLaval және голландтық Lely компаниясының технологиясын қолданып соғылған.

Кездесу мақсаты — заманауи инновацияларды өз жұмысында тиімді пайдалану арқылы өз өнімділігін екі есе арттырып отырған кәсіпорынды болашақ мамандармен толықтыру болып табылады. Кәсіпорын ұжымы ферма кешенінде өндірістік тәжірибеден өтіп жатқан оқу ордамыздың студенттерін жұмыспен қамтамасыз етуге шақырды. Кездесу барысында студенттер өз тараптарынан кәсіби сұрақтар қойып, мамандардан толыққанды түрде тиісті жауаптарын алды.