Қожа Ахмет Ясауи атындағы Халықаралық қазақ-түрік университетінің студенттері арасында өткен XXXV дәстүрлі факультетаралық спартакиадада ұлдар арасындағы волейбол жарысынан «Түркістан Ахмет Ясауи» кәсіби колледжінің командасы І орынды иеленді! 🥇💪 Бұл жеңіс – спортшыларымыздың табандылығы мен ұйымшылдығының, командалық рухы мен жеңіске деген жігерінің нәтижесі!👏 Жеңімпаздарымызды шын жүректен құттықтаймыз! Алдағы жарыстарда да сәттілік серік болып, биік белестерді бағындыра беріңіздер!Жеңісті күндеріміз көп болсын! 🏆

2026 жылғы 28 қазанда колледж кітапханасында Өзін-өзі басқару күніне орай білім алушылар кітапхана жұмысымен танысты.Мақсаты – студенттердің кітапханаға қызығушылығын арттыру, кітап оқуға баулу және кітапханашы мамандығының маңызын түсіндіру.

«Түркістан Ахмет Ясауи» кәсіби колледжінде жатақханада тұратын білім алушылар арасында тазалық пен ішкі тәртіп ережелерін сақтау, психологиялық саулықты қолдау және аутодеструктивті мінез-құлықтың алдын алу мақсатында жиналыс өткізілді. Жиналысқа тәрбие бөлімі қызметкерлері, медбике және жатақхана тәрбиешісі қатысты. Кездесу барысында бөлме тазалығын сақтау, жеке бас гигиенасы, өзара сыйластық, әдептілік және ішкі тәртіп талаптарын орындау мәселелері талқыланды. Сонымен қатар білім алушылардың эмоционалдық жағдайына назар аудару, жағымды қарым-қатынас қалыптастыру және қауіпсіз орта құру бағытында түсіндіру жұмыстары жүргізілді. Мақсаты – білім алушылардың бойында тазалық мәдениетін, тәртіп пен жауапкершілікті қалыптастырып, жатақханада қолайлы әрі қауіпсіз орта қалыптастыру.

📅 2026 жылғы 27 қазанда «Еңбек пен елдік: білімді ұрпақ – жарқын болашақ» атты айлық іс-шара аясында «Жаңашыл мұғалім» тақырыбында тәжірибелік семинар-тренинг өткізілді. 🎯 Семинардың мақсаты — педагогтердің жасанды интеллект пен цифрлық білім беру платформаларын тиімді пайдалану дағдыларын қалыптастыру, сабақ үдерісін қызықты әрі интерактивті ұйымдастыру жолдарын көрсету. 💡 Семинар барысында ChatGPT, Educaplay, Gamma, Google Vids, Plickers платформаларының мүмкіндіктері таныстырылып, «Ұстаз Тілегі» платформасындағы ойындар мен «Нарды», «Сиқырлы қорап», «Тарсия» әдістері тәжірибе жүзінде көрсетілді. Сонымен қатар, заманауи бағалау және рефлексия әдістері ұсынылды. 🤝 Қатысушылар жаңа идеялармен бөлісіп, цифрлық құралдарды сабақта қолданудың тиімді жолдарын тәжірибе жүзінде меңгерді. 👩‍🏫 Семинар ұйымдастырушылары: М. Алтаева, Ж. Сабет. 🌟 Жаңашыл мұғалім — үнемі ізденетін, жаңалыққа ашық, өзгеріске дайын және әр білім алушының мүмкіндігіне сенетін ұстаз! Білім беру саласындағы жаңашылдықты бірге дамытып, сапалы білім жолында жаңа мүмкіндіктерге қадам басайық! 💙

Мемлекет басшысы Қасым-Жомарт Тоқаев Қазақстан халқына Жолдауында ел дамуы мен халықтың әл-ауқатын арттыруға бағытталған басым міндеттерді айқындады. Президент төмендегі бағыттардың маңызын ерекше атап өтті.Жолдаудың негізгі бағыттары:• Саяси жаңғыру – мемлекеттік институттарды жетілдіру, заң үстемдігі мен қоғамдағы бірлікті нығайту.• Экономикалық өсім – экономиканы әртараптандыру, өңдеу өнеркәсібін дамыту және Ұлттық қор қаражатын тиімді пайдалану.• Инфрақұрылым және өңірлер – әлеуметтік нысандарды, жолдар мен инженерлік желілерді жаңғырту, қалалар мен ауылдарда қолайлы өмір сүру ортасын қалыптастыру.• Білім және әлеуметтік сала – мектептер, медициналық мекемелер, мәдениет және спорт нысандарына қолжетімділікті арттыру.• Көлік және логистика – теміржолдарды, автожолдар мен әуежайларды дамыту, халықаралық транзиттік әлеуетті күшейту.• Энергетикалық қауіпсіздік – жаңа қуат көздерін іске қосу, энергетикалық желілерді жаңарту және атом энергетикасын дамыту.• Ауыл шаруашылығы және су – озық технологияларды енгізу, суармалы жерлердің тиімділігін арттыру, суды үнемдеу және нақты есепке алу.• Цифрландыру және жасанды интеллект – экономика мен инфрақұрылым салаларына заманауи цифрлық шешімдерді кеңінен енгізу.Бұл міндеттерді жүзеге асыруда сапалы білім мен білікті маман даярлаудың маңызы зор. Осы орайда жастардың кәсіби дағдыларын жетілдіру, технологиялық сауаттылығын арттыру және еңбекке жауапкершілікпен қарауын қалыптастыру – колледж үшін де басты міндеттердің бірі.Ортақ мақсат – қуатты экономика, дамыған өңірлер және халықтың жоғары тұрмыс сапасы. Білімді ұрпақ пен жауапты еңбек – осы мақсатқа жетудің берік негізі!t.me/aqorda_resmi

Сабақ барысында заманауи әдіс-тәсілдер мен инновациялық технологиялар тиімді қолданылды. Жасанды интеллект көмегімен әзірленген бейнеролик білім алушылардың тақырыпты меңгеруіне ықпал етсе, клиникалық балау үдерісінде VR көзілдірігі пайдаланылып, тәжірибелік жұмысқа ерекше мүмкіндік берді. Практикалық тапсырмалар арқылы студенттер ас қорыту мүшелерінің ауруларын анықтау, олардың алдын алу және емдеу шараларын жүргізу бойынша кәсіби дағдыларын жетілдірді. 💡 Инновациялық технологияларды сабақта қолдану білім алушылардың пәнге деген қызығушылығын арттырып, теориялық білімдерін тәжірибемен ұштастыруға және кәсіби құзыреттіліктерін дамытуға мүмкіндік берді.