Мемлекет басшысы Қасым-Жомарт Тоқаев Қазақстан халқына Жолдауында ел дамуы мен халықтың әл-ауқатын арттыруға бағытталған басым міндеттерді айқындады. Президент төмендегі бағыттардың маңызын ерекше атап өтті.Жолдаудың негізгі бағыттары:• Саяси жаңғыру – мемлекеттік институттарды жетілдіру, заң үстемдігі мен қоғамдағы бірлікті нығайту.• Экономикалық өсім – экономиканы әртараптандыру, өңдеу өнеркәсібін дамыту және Ұлттық қор қаражатын тиімді пайдалану.• Инфрақұрылым және өңірлер – әлеуметтік нысандарды, жолдар мен инженерлік желілерді жаңғырту, қалалар мен ауылдарда қолайлы өмір сүру ортасын қалыптастыру.• Білім және әлеуметтік сала – мектептер, медициналық мекемелер, мәдениет және спорт нысандарына қолжетімділікті арттыру.• Көлік және логистика – теміржолдарды, автожолдар мен әуежайларды дамыту, халықаралық транзиттік әлеуетті күшейту.• Энергетикалық қауіпсіздік – жаңа қуат көздерін іске қосу, энергетикалық желілерді жаңарту және атом энергетикасын дамыту.• Ауыл шаруашылығы және су – озық технологияларды енгізу, суармалы жерлердің тиімділігін арттыру, суды үнемдеу және нақты есепке алу.• Цифрландыру және жасанды интеллект – экономика мен инфрақұрылым салаларына заманауи цифрлық шешімдерді кеңінен енгізу.Бұл міндеттерді жүзеге асыруда сапалы білім мен білікті маман даярлаудың маңызы зор. Осы орайда жастардың кәсіби дағдыларын жетілдіру, технологиялық сауаттылығын арттыру және еңбекке жауапкершілікпен қарауын қалыптастыру – колледж үшін де басты міндеттердің бірі.Ортақ мақсат – қуатты экономика, дамыған өңірлер және халықтың жоғары тұрмыс сапасы. Білімді ұрпақ пен жауапты еңбек – осы мақсатқа жетудің берік негізі!t.me/aqorda_resmi

Сабақ барысында заманауи әдіс-тәсілдер мен инновациялық технологиялар тиімді қолданылды. Жасанды интеллект көмегімен әзірленген бейнеролик білім алушылардың тақырыпты меңгеруіне ықпал етсе, клиникалық балау үдерісінде VR көзілдірігі пайдаланылып, тәжірибелік жұмысқа ерекше мүмкіндік берді. Практикалық тапсырмалар арқылы студенттер ас қорыту мүшелерінің ауруларын анықтау, олардың алдын алу және емдеу шараларын жүргізу бойынша кәсіби дағдыларын жетілдірді. 💡 Инновациялық технологияларды сабақта қолдану білім алушылардың пәнге деген қызығушылығын арттырып, теориялық білімдерін тәжірибемен ұштастыруға және кәсіби құзыреттіліктерін дамытуға мүмкіндік берді.

Түркістан Ахмет Ясауи кәсіби колледжінде 25 қазан – Республика күніне орай мерекелік іс-шара өткізілді. 🇰🇿 Іс-шараның мақсаты – білім алушылардың бойында отансүйгіштік сезімді қалыптастыру, ұлттық құндылықтарды дәріптеу және ел тарихына деген құрметті арттыру. Республика күні – тәуелсіздігімізді айшықтайтын, бірлігімізді бекемдейтін, елдігімізді дәріптейтін маңызды мереке! Еліміз аман, жұртымыз тыныш, көк туымыз әрдайым биікте желбіресін! Тәуелсіздігіміз тұғырлы, Қазақстанымыз мәңгі жасасын! 💙 Мереке құтты болсын, қазақстандықтар!

2026 жылғы 21 қазанда колледжде «Әр түрлі ассортименттегі кекстерді, орамдарды, вафлилерді дайындау және әрлеу» пәнінен «Кекс дайындау технологиясы» тақырыбында ашық сабақ өткізілді.👩‍🍳 Сабақ барысында білім алушылар кекстің түрлерімен, қамыр дайындау технологиясымен және кондитерлік өнімдерді безендіру тәсілдерімен танысты.✨ Сабақта заманауи оқыту әдістері, топтық жұмыстар, қызықты тапсырмалар мен танымдық ойындар қолданылып, білім алушылардың кәсіби дағдылары мен шығармашылық қабілеттерін дамытуға басымдық берілді.🎯 Ашық сабақтың мақсаты — болашақ кондитер мамандарының теориялық білімін жетілдіріп, кәсіби шеберлігін шыңдау және сапалы өнім дайындауға деген қызығушылығын арттыру.👩‍🏫 Сабақ өткізген: арнайы пәндер оқытушысы М. Алтаева🏫 Тобы: КНМ-0925«Еңбек пен елдік: білімді ұрпақ – жарқын болашақ» 🇰🇿

Республика күні — еліміздің егемендікке жасаған тарихи қадамын айшықтайтын, ұлттық рухымызды асқақтатып, елдік құндылықтарымызды дәріптейтін ерекше мереке. Туған жерге деген сүйіспеншілік, елге деген құрмет пен болашаққа деген сенім — әрбір азаматтың жүрегінен орын алуы тиіс. Бүгінгі бейбіт өміріміз бен жарқын болашағымыз — бірлігіміз бен тәуелсіздігіміздің жемісі. Біз — тәуелсіз елдің білімді жастары, Қазақстанның ертеңіне жауапты ұрпақпыз! Еліміздің дамуына үлес қосып, биік белестерді бағындыру — біздің басты мақсатымыз. Көк байрағымыз әрдайым биікте желбіреп, еліміз аман, жұртымыз тыныш болсын! Қазақстанымыз өркендеп, тәуелсіздігіміз тұғырлы болғай! Баршаңызды Республика күнімен шын жүректен құттықтаймыз! Мерекеміз құтты болсын, қымбатты Қазақстан!

2026 жылғы 23 қазанда «Фараб» ғылыми кітапханасында өткен «Ыбырайдан жеткен асыл сөз» атты қалалық көркемсөз оқу байқауына Түркістан Ахмет Ясауи колледжінің білім алушылары қатысты.Байқау барысында студенттеріміз көркемсөз оқу шеберліктерін танытып, сөз өнеріне деген қызығушылықтары мен әдеби мұраға құрметтерін көрсетті.🏆 Байқау нәтижесі бойынша:🥉 ІІІ орын – КДН-0926 тобының студенті Мырзақұлова Ақбота.Сонымен қатар, КНМ-0926 тобының студенттері Әбибуллақызы Румиса мен Жаңабай Айдана, ДТС-0926-1 тобының студенті Абдулла Жанерке және ЭЕА-0926 тобының студенті Жұмағұл Асылзат түрлі номинациялар бойынша марапатталды.👏 Студенттерімізді жетістіктерімен құттықтаймыз! Шығармашылық шабыт, толағай табыс және алар асуларыңыздың биік болуын тілейміз!