2023 жылы 27 ақпан күні “Гуманитарлық” пәндік (циклдік) комиссия бірлестігінің педагогика және психология пәнінің оқытушысы Т.Шәмшат колледж оқушыларына “Ұлы тарих кемел келешекке жетелейді” тақырыбындағы апталық іс-шара жоспарына сәйкес, Алаш қозғалысының қайраткері, ақын, қазақ әдебиетінің жарық жұлдызы М.Жұмабаевтың 130 жылдығына арналған «Алаштың сөнбес жұлдызы Мағжан» атты сабақтан тыс іс-шара өтті.

Мақсаты – оқушыларды Қазақ елінің мақтанышына айналған Алаш қозғалысының қайраткері, ақын жазушы Мағжанды құрметтеуге, шығармаларын үлгі ете отырып, отансүйгіштікке, сұлулыққа тәрбиелеу.

Іс-шара барысында оқушылар Мағжан туралы жазылған Ұлылардың ұлағатты сөздерімен, ақынның «Сағындым», «Түркістан», «Мен жастарға сенемін» атты жыр шумақтарымен бөлісіп, «Япыр-ай» әнінің шығу тарихынан көрініс қойды.

Мағжан Жұмабаевтың өмір жолы мен шығармашылығынан сұрақтар қойылып, іс шара соңын «Сен сұлу» өлеңін хормен айту арқылы аяқтады.