Бүгін оқу ордамыздың белсенді студенттері өздері дайындаған тамақ өнімдерін қала көшелерін тазалау және көгалдандырумен айналысатын қызметкерлерге таратты. Қиын да қажетті жұмысты атқарып жүрген жандарға білім алушыларымыз бауырсақ, самса, бәлішпен бірге ыстық шәй мен кофе ұсынды. Тәрбиелік маңызы зор іс-шараға жетекшілік жасаған «Тамақтандыруды ұйымдастыру» мамандығының арнайы пән оқытушыларына алғысымыз шексіз! Оқу ордамыздың басқа топтарындағы студенттердің бұл бастамаға қолдау білдіріп, қайырымдылық жасау шараларын қолға алуы көңілге қуаныш ұялатады.