2022 жылдың қараша айының 21-25 күндері аралығында өтілетін «Цифрлық білім: жаңа уақыт – жаңа шешімдер» тақырыбындағы «Бағдарламалау және дизайн» пәндік (циклдік) комиссия бірлестігінің апталық іс-шара жоспарының ашылу салтанаты болып өтті.
Апталықтың негізгі мақсаты – оқытушылар мен студенттерге информатика, математика, физика және арнайы пәндерді оқытуда және пәнаралық байланысты жүзеге асыруда жаңа цифрлық технологияларды тиімді қолдану жолдарын түсіндіру.
Апталық іс-шараның ашылу барысында бірлестік төрайымы А.Қуанышбек апталық іс-шара жоспарымен таныстырып, білім алушылар қазіргі таңдағы трендтегі бағдарламалардың негізгі қызметі мен жұмыс жасау жолдары туралы анықтама беріп өтті. Оқытушылардың жаңа технологияларды қалай тиімді қолдануға болатындығы туралы пікірлерін анықтай отырып, оқытушыларға сабақ беру кезеңінде мәліметтерді терең меңгертуге жол ашатын арнайы бағдарламамен және оның мүмкіндіктері туралы ақпараттармен бөлісті.