2025 жылдың 11 қараша күні “Бағдарламалау және информатика” пәндік (циклдік) комиссия бірлестігінің ұйымдастыруымен «IT-Start: Идеядан – инновацияға» айлық іс-шарасы аясында ВДН-0924 тобына «Тізімдер. Тізімдерге пайдаланылатын амалдар» тақырыбында ашық сабақ өткізілді.
Сабақтың мақсаты — студенттерге Python бағдарламалау тіліндегі тізім (list) ұғымын, оның құрылымы мен ерекшеліктерін түсіндіру, сондай-ақ тізімге қатысты амалдарды нақты есептерде тиімді қолдануға үйрету.
Сабақ барысында студенттер тізімдердің негізгі қасиеттерін, индекстеу тәсілдерін, элементтерді қосу және біріктіру әдістерін меңгеріп, практикалық тапсырмалар арқылы өз білімдерін бекітті.