Колледжімізде «Дене тәрбиесі және спорт» мамандығы, ДТС-0922-1 және ДТС-0922-2 топтарының білім алушыларынан «КМ 05. Білім алушылардың жеке және кәсіби әлеуетін ашу үшін жағдай жасау» пәні бойынша қорытынды аттестаттау емтиханы алынды.
Емтихан тапсырмалары білім алушылардың жеке қабілетін, кәсіби ойлау деңгейін, жауапкершілігін және болашақ маман ретінде қалыптасу дәрежесін бағалауға бағытталды.
Білім алушылар берілген тапсырмаларды орындау барысында өз ойларын жүйелі жеткізіп, кәсіби бағыттағы білімдерін тиімді қолдана білді. Бұл қорытынды емтихан олардың мамандыққа деген қызығушылығын, ізденісін және кәсіби әлеуетін айқындаған маңызды кезең болды.