Түркістан облысы полиция департаменті Есірткі қылмысына қарсы іс-қимыл басқармасының аса маңызды істер жөніндегі аға жедел уәкілі, полиция майоры М.Бимаханов, Қожа Ахмет Ясауи атындағы Халықаралық қазақ-түрік университетінің Әлеуметтік-мәдени даму вице-ректоры, есірткі құқық бұзушылығының профилактикасы жөніндегі кеңестің мүшесі Е.Төлегенов, Түркістан ҚПБ ЖПҚ ЮПТ учаскелік полиция инспекторы полиция лейтенанты Б.Мейрханов, колледж педагог-психологы Г.Сауқымбаева, директордың тәрбие жұмысы жөніндегі орынбасары Ш.Надирбаевтың қатысуымен жалпы студенттермен кездесу ұйымдастырылды.
Кездесудің мақсаты – әлемді жайлаған нашақорлық дертінің өршіп бара жатқандығы және адамзат өміріне қауіп төндіріп отырған есірткінің, темекінің зиянын және улы екенін түсіндіре отырып, саналылыққа, салауатты өмірді таңдауға, тазалыққа, лас істерден аулақ болуға жан сұлулығымен қатар тән сұлулығын сақтауға тәрбиелеу.