24-28 сәуір аралығында Түркістан облысы колледждерінің студенттері арасында Worldskills Turkistan-2023 чемпионаты өтті. Облыстық байқауда техникалық және кәсіптік білім беру орындарының 200-ден астам студенті бақ сынады.

Ахмет Ясауи Университетіне қарасты Ахмет Ясауи Колледжі 33 құзыреттіліктің 12-нен байқауға қатысып, 4 мамандық бойынша I-орын:

— Мобильді робототехника;

— Ақпараттық кабельдік желілер;

— Бизнестегі IT-шешімдер;

— Графикалық дизайн.

2 мамандық бойынша II-орын:

— Веб-технологиялар;

— Компьютерлік ойындарға арналған 3D модельдеу.

2 мамандық бойынша III-орын:

— CAD инженерлік графикасы;

— Мобильді қосымшаларды әзірлеу құзыреттіліктері бойынша жүлдегер атанды. Сонымен қатар, «Аспаз» мамандығы бойынша қатысқан студентіміз жақсы нәтиже көрсеткені үшін арнайы медальонге ие болды.

Колледж командалары жалпы есепте 9 жүлде: 4 алтын, 2 күміс, 2 қола және 1 медальон жеңіп алды.

Жеңімпаздар мен жүлдегерлер Түркістан Облысының Білім Басқармасы тарапынан арнайы дипломдармен және қаржылай марапатталды.

4 жеңімпаз командамыз маусым айында Астана қаласында өтетін ұлттық чемпионатта облысымыздың намысын қорғайтын болады.