• Түркістан қ., Тәуке хан даңғылы №280
  • Байланыс:+7 (72533) 3-10-11
  • ДC - СБ: 8:00 AM - 19:00 PM

Category: Құттықтау

Жеңіспен құттықтаймыз!

Ахмет Ясауи Университетінің оқытушы-қызметкерлері арасында өткізілетін дәстүрлі спартакиадасында волейбол спорт түрінен Ахмет Ясауи Колледжінің ерлер командасы I-орынды жеңіп алды. Жеңістеріңіз құтты болсын әріптестер!

Құттықтау!

«2022 жыл — Балалар жылына» және 16 желтоқсан Қазақстан Республикасының Тәуелсіздік күніне орай дзюдо күресінен 2006-2007 жылғы туылған жасөспірім қыздар арасында өткен Түркістан облысы чемпионатында 63 келі салмақ дәрежесінде I орынды жеңіп алған үшін оқу ордамыздың 2 курс студенті Бейсембекова Дария Түркістан облысының дене шынықтыру және спорт басқарма басшысы Қ.Жолдықараевтың дипломымен марапатталды. Құттықтаймыз! Спорт саласындағы жетістіктеріңіз арта берсін!

Қуанышты хабар!

Астанада өткен кәсіби шеберліктің «WorldSkills Kazakhstan 2022» респбуликалық чемпионатында «Ақпараттық кабельдік желілер» құзыреттілігі бойынша Түркістан облысының намысын қорғаған Ахмет Ясауи Колледжінің студенті Мәуленқұл Бағдат жүлделі II- орынды иеленді. Еліміздің 17 облысы мен 3 қаласынан жиналған үздіктер байқауында жоғары нәтижеге қол жеткізген шәкіртімізді және жетекшісі Ұлан Утебаевты жеңістерімен шын жүректен құттықтаймыз!

17 ҚАРАША — ХАЛЫҚАРАЛЫҚ СТУДЕНТТЕР КҮНІ!

Әр адамның жадында ерекше естеліктермен жатталып қалған студенттік өмір ешқашан ұмытылмайды. Сәні мен салтанаты, мәні мен мағынасы мол өмірдің кейіпкерлері – оқу ордамыздың студенттері. Осы аталмыш мерекеде колледж жастарына арналып «Қызықты көңіл, студенттік өмір» атты мерекелік іс-шарамыз атап өтілді.
Студенттік өмір — адамның жастық қуаты тасып, шаршау мен уайымды білмей, ізденумен, үйренумен, танысумен, табысумен өтетін ерекше шағы.
Білім – біздің басты қазынамыз. Халық ақыны Нұрпейіс Байғанин «Білімнен қымбат нәрсе жоқ, көңілде жатса баспай тот» деген екен. Білімді адам ғана болашаққа батыл қадам баспақ. Біздің жастарымыз алған білімін ақылмен, өнегемен, тән мен жанның сұлулығымен, парасаттылықпен ұштастырса, нұр үстіне нұр жауар. Оқу-білім үздіксіз еңбектің арқасында ғана жақсы нәтижеге, жоғары жетістіктерге жеткізеді, — дей келе жастарымызға …
Студенттік кезеңді мағыналы да, қызықты өткізулеріңізге тілек білдіреміз. Бастаған барлық бастамаларыңыз сәтті болсын! Студенттер күні құтты болсын!