• Түркістан қ., Тәуке хан даңғылы №340
  • Байланыс:+7 (72533) 3-10-11
  • ДC - ЖМ: 8:00 AM - 19:00 PM

Category: Құттықтау

Құттықтау!

2023 жылдың сәуір айының 19-28 күндері аралығында БЖСМ, ОРМБмЖСМ, ОРРМИМК арасындағы 18 жасқа дейін футболдан Қазақстан Республикасының чемпионатында III орынды жеңіп алғаны үшін оқу ордамыздың «Дене тәрбиесі және спорт» мамандығының 2 курс студенті Мақұлбек Нұрдәулет Қазақстан Республикасы Мәдениет және спорт министрлігінің Спорт және дене шынықтыру істері комитетінің төрағасы Е.Мырзабосыновтың дипломымен марапатталды. Құттықтаймыз! Спорт саласындағы жетістіктеріңіз арта берсін!

Студенттер практикалық білімдерін жетілдіруде

Ахмет Ясауи Колледжі «Гуманитарлық» пәндер бөлімшесінің арнайы пән оқытушысы Ж.Якупованың ұйымдастыруымен «Құқықтану» мамандығының білім алушыларымен бірге Көліктегі полиция департаменті, Түркістан станциясындағы Желілік полиция бөліміне криминалистика пәні бойынша оқушылардың практикалық білімдерін жетілдіру мақсатында барды.

Білім алушылар криминалистика пәнінен алған теориялық білімдерін тәжірибе жүзінде көру, құқық қорғау, тергеу органдарының жұмысы, тергеуге қажетті құралдарды білу және қылмыстық оқиғаны анықтау мақсатында Көліктегі полиция департаменті, Түркістан станциясындағы желілік полиция бөлімінің жедел криминалистикалық тобының аға криминалисті, полиция майоры — Макашова Дана Сырлыбайқызымен кездесті. Кездесу барысында оқушыларға тергеулік чемодан таныстырылып, қарау өндірісі кезінде дәлелдемелермен жұмыс және өзге тергеу әрекеттері үшін қажетті техникалық-криминалистикалық және өзге де заттар жиынтығы (приборлар, материалдар, құрал-саймандар, қажеттіліктер), сондай-ақ әрбір сараптама құралдарымен таныстырып, қылмыстық ізді табу, саусақ іздерін қалай алу керек?, дактиласкопиялық сараптаманы оқушыларға тәжірибе жүзінде көрсетті.

Болашақ маман үшін қажетті тәжірибе болды.

Жағымды жаңалық

Түркістан облысының Білім саласында сапаны қамтамасыз ету департаменті тарапынан Ахмет Ясауи Университетіне қарасты Ахмет Ясауи Колледжінің көрсететін білім беру қызметтері техникалық және кәсіптік білім берудің мемлекеттік жалпыға міндетті білім беру стандартының талаптарына сәйкес деп танылып, аттестаттаудан өтті. Оқу ордамыздың оқытушы-қызметкерлері мен білім алушыларын аттестаттаудан сәтті өтуімен құттықтаймыз!

Құттықтаймыз!

Дзюдодан 2006-2007 жылы туылған жасөспірімдер арасында Астана қаласында өткен Қазақстан Республикасының чемпионатында 63 кг салмақта жүлделі 3-орын алған Ахмет Ясауи Колледжінің студенті Бейсембекова Дарияны шын жүректен құттықтаймыз! Байрақты бәсекелерде жүлдеге ілініп жүрген шәкіртімізге олимпиада биігінен көрінуді тілейміз!

Жеңіспен құттықтаймыз!

Ахмет Ясауи Университетінің оқытушы-қызметкерлері арасында өткізілетін дәстүрлі спартакиадасында волейбол спорт түрінен Ахмет Ясауи Колледжінің ерлер командасы I-орынды жеңіп алды. Жеңістеріңіз құтты болсын әріптестер!